Hindistanın Cammu və Kəşmir əyalətində silahlı şəxslər hindu zəvvarlarını daşıyan avtobusu atəşə tutublar.
Busaat.az bu barədə AP-yə istinadən xəbər verir.
Məlumata görə, avtomobil dərəyə aşdıqdan sonra azı 9 nəfər həlak olub. Daha 33 nəfər isə yaralanıb.
Polis hücumu Kəşmirdə Hindistan hakimiyyətinə qarşı mübarizə aparan müsəlman yaraqlıların üzərinə atıb.
Qeyd edək ki, müsəlman yaraqlılar 1989-cu ildən Kəşmiri qonşu Pakistana birləşdirmək üçün mübarizə aparır. Kəşmir müsəlmanlarının əksəriyyəti üsyançıların ərazini ya Pakistan hakimiyyəti altında, ya da müstəqil ölkə kimi birləşdirmək məqsədini dəstəkləyir.
