Hindistanın baş naziri Qahirədə Misir prezidenti ilə görüşüb

Misir prezidenti Əbdülfəttah əs-Sisi Hindistanın baş naziri Narendra Modi ilə görüşüb.

Busaat.az bu barədə Associated Press-ə istinadən xəbər verir.

Modi son iyirmi ildə Misirə dövlət səfəri edən ilk Hindistan baş naziridir.

Misir prezidenti Modini Qahirədə prezident sarayında qəbul edib.

Hindistan Xarici İşlər Nazirliyinin mətbuat katibi Arindam Bağçinin sözlərinə görə, baş nazir Misirin ali dövlət mükafatı olan Nil ordeni ilə təltif edilib.

Modinin Misirə səfəri Qahirə və Dehli arasında ikitərəfli əlaqələri gücləndirmək məqsədi daşıyır.

Baş qeyd edib ki, iki ölkə ikitərəfli ticarəti 2021-22-ci illərdəki 7,3 milyard dollardan beş il ərzində hər il 12 milyard dollara çatdırmaq üçün sürətlə irəliləyir.

Qeyd edək ki, bu ilin əvvəlində iki ölkə ticarət əməkdaşlığının genişləndirilməsi barədə razılığa gəliblər.

Busaat.az