Hindistanın Pragyan roveri bir neçə saat ərzində Ayın səthinə enəcək

Hindistanın Pragyan roveri yaxın bir neçə saat ərzində Ayın səthinə enə bilər.

Busaat.az xəbər verir ki, bu barədə ölkənin Kosmik Tədqiqatlar Təşkilatının (ISRO) baş direktoru Sridhara Somanath bildirib.

“Hindistan “ISRO Chandrayaan-3″ kosmik gəmisini Ayın səthinə uğurla endirdi. Hindistan dünyanın dördüncü ölkəsi (SSRİ, ABŞ və Çindən sonra) Aya bir kosmik gəmini endirməyi bacardı və eyni zamanda təbii peykin Cənub Qütbündə bunu edən ilk ölkə oldu. Rover yəqin ki, yaxın bir neçə saat ərzində səthə çıxacaq, bir gün çəkə bilər – hər şey şərtlərdən asılıdır”, – Somanath söyləyib.

Onun qeyd etdiyi kimi, roverin missiyası səthə dəydikdə qaldıracağı tozla çətinləşir. Atmosferin olmaması səbəbindən səthdən qaldırılan hissəciklər yavaş-yavaş dağılır və bu da onun avadanlıqlarının işinə mənfi təsir göstərə bilər.