Homoseksuallara ölüm cəzası verə biləcək qanun təsdiqləndi

Homoseksuallığın qanunsuz olduğu Uqandada yeni qanuna görə, homoseksualları ömürlük həbs cəzası gözləyir. Bundan əlavə, yaşı 18-dən az olan biri ilə homoseksual münasibətdə olan və ya QİÇS daxil olmaqla ömürlük yoluxucu xəstəlikləri olan şəxslər edam ediləcək.

Busaat.az xarici mediaya istinadən xəbər verir ki, dünyanın aparıcı sağlamlıq kampaniyası qruplarından biri olan Pepfar, UNAids və Qlobal Fond birgə bəyanatda qanunun “zərərli təsirlərindən” dərin narahat olduqlarını bildiriblər.

“Uqandanın QİÇS-ə qarşı mübarizədə əldə etdiyi irəliləyiş indi ciddi təhlükə altındadır”, – bəyanatda deyilir.

ABŞ prezidenti Co Bayden qanunun qəbulunu “ümumbəşəri insan hüquqlarının faciəli şəkildə pozulması” adlandırıb və Uqandadan qanunu dərhal ləğv etməyə çağırıb.

Analoji qanun 2014-cü ildə Uqanda konstitusiya məhkəməsi tərəfindən ləğv edilib.

Reuters-in məlumatına görə, Uqandalı hüquq müdafiəçisi Clare Byarugaba deyib ki, bu, LGBTQ+ icması və bütün ölkə vətəndaşları üçün “qara və kədərli gün”dür.

“Uqanda Prezidenti bu gün dövlət tərəfindən dəstəklənən homofobiya və transfobiyanı qanuniləşdirdi”, deyə Byarugaba qeyd edib.

Busaat.az