Honduras Çinlə rəsmi diplomatik əlaqələr quracaq

Tayvan ilə əlaqələrini bitirən Mərkəzi Amerika ölkəsi Honduras Çinlə rəsmi diplomatik əlaqələr quracaqlarını açıqlayıb.

Busaat.az xəbər verir ki, bunu Honduras prezidenti Xiomara Kastro “Tvitter” hesabında etdiyi paylaşımda bildirib.

Kastro qeyd edib ki, o, xarici işlər nazirinə Tayvanla rəsmi əlaqələri dayandırmaq və Çinlə diplomatik əlaqələr qurmaq barədə təlimat verib.

“Hökumət Planını həyata keçirmək və sərhədləri sərbəst şəkildə genişləndirmək əzmimin əlaməti olaraq, xarici işlər naziri Eduardo Reynaya Çin Xalq Respublikası ilə rəsmi əlaqələrə başlamaq üçün göstəriş verdim”, – Xiomara Kastro yazıb.

Çinlə diplomatik əlaqələr açılsa, Honduras son illərdə Tayvanla əlaqələrini Çinin xeyrinə dəyişən Panama, El Salvador, Dominikan Respublikası və Nikaraqua kimi digər Latın Amerikası ölkələrinin sırasına qoşulacaq.

Honduras və Çin arasında münasibətlər son illərdə gərgin prosesə səhnə olub, çünki Honduras Tayvanı rəsmi olaraq dövlət kimi tanıyıb.

Honduras da diplomatik əlaqələri kəsərsə, Tayvanı tanıyan ölkələrin sayı 13-ə enəcək.

Busaat.az