Qazaxıstanda ictimai yerlərdə söyüşə görə cəzalar artırılıb.
Busaat.az xarici mediaya istinadən xəbər verir ki, Qazaxıstanda söyüş söyənlərə qarşı cəzaları ağırlaşdıran “İnzibati xətalar haqqında” yenidən işlənmiş qanun qüvvəyə minib.
Bundan sonra ictimai yerlərdə söyüş söyən, təhqir və təzyiqlərə yol verən, ictimai binalara və yaşayış yerlərinə, habelə ictimai nəqliyyat vasitələrinə və ictimai əmlaka zərər vuran, ictimai yerlərə hörmətsizlik edən, insanların ictimai asayişini və əmin-amanlığını pozan şəxslər ciddi şəkildə cəzalandırılacaqlar.
Günahı sübuta yetirilənlərə 69 min tenge (təxminən 270 AZN) və ya 15 günə qədər həbs cəzası veriləcək. Cinayətin təkrar törədildiyi təqdirdə həbs cəzası 30 günə qədər artırılacaq.
Qazaxıstan Prezidenti Qasım Comərt Tokayev yanvarın 3-də “İnzibati xətalar haqqında” qanuna dəyişikliklərini təsdiqləyib.
