III Dünya Müharibəsi real təhlükədir - Orban

Macarıstanın baş naziri Viktor Orban bildirib ki, Avropa liderləri Avropa İttifaqının (Aİ) Ukraynaya sülhməramlılar göndərib-göndərə bilməyəcəyini müzakirə etməyə yaxındırlar.

Busaat.az xəbər verir ki, Macarıstanın baş naziri Viktor Orban Kossuth Radiosuna Rusiya-Ukrayna müharibəsi ilə bağlı danışıb.

Viktor Orban deyib ki, Ukraynada müharibə daha qəddar və qanlı hala gəlir.

Orban deyib ki, Avropa liderləri Aİ-nin Ukraynaya sülhməramlılar göndərib-göndərə bilməyəcəyi barədə düşünməyə başlaya bilərlər.

Müharibənin Macarıstan üçün “narahat və təhlükəli” olduğuna işarə edən Orban deyib: “Təhlükəsizliyimiz təhlükə altındadır. Mən əminəm ki, Qərb ukraynalıları getdikcə daha müasir avadanlıqlarla təmin etdiyi üçün üçüncü dünya müharibəsi təhlükəsi artıq mübaliğə deyil”.

“Avropa və Amerika liderləri üçüncü dünya müharibəsinə gedə biləcəyimizi söylədikdə, bu, ilk baxışda inanılmaz dərəcədə şişirdilmiş görünür, amma gördüyüm şeylər hazırda real təhlükədir”, – Orban əlavə edilib.

Busaat.az