III Dünya Müharibəsi təhlükəsinin qarşısını almaq lazımdır - Medvedev

Bütün ölkələr yeni genişmiqyaslı qlobal münaqişənin baş verməməsi üçün səy göstərməlidirlər.

Busaat.az xəbər verir ki, bu fikirləri Rusiya Təhlükəsizlik Şurasının sədr müavini Dmitri Medvedev bildirib.

“Son damlanın nə olduğunu deyə bilmərəm, tətik nə ola bilər. Amma bu, nə vaxtsa baş verə bilər. Biz hamımız çalışmalıyıq ki, bu qlobal qarşıdurma, genişmiqyaslı III Dünya Müharibəsi təhlükəsi baş verməsin”, – Medvedev deyib.

O, qeyd edib ki, Rusiya heç bir halda bunun baş verməsini istəməyib.

Medvedev qeyd edib  ki, gəncliyində o və həmyaşıdları “ABŞ-la qarşıdurma, Varşava Müqaviləsi ilə Şimali Atlantika Alyansı arasında qarşıdurma haqqında danışırdılar”.

“O vaxt bu, bir növ hipotetik, uzaqgörən və qeyri-mümkün bir ssenari kimi görünürdü. Amma indi bunu deyə bilmərəm, nə qədər kədərli səslənsə də,” –  deyə sözlərini yekunlaşdırıb.

Busaat.az