İkinci rübdə Türkiyənin ÜDM artımı 3,8%-ə çatıb

2023-cü ilin ikinci rübündə Türkiyə iqtisadiyyatı illik müqayisədə 3,8% artıb.

Busaat.az xəbər verir ki, bu barədə Türkiyə Statistika İnstitutunun məlumat yayıb.

Rəqəmlər bir çox iqtisadçının proqnozlarını üstələyib. Beləliklə, Anadolu Agentliyinin sorğusunun nəticələrinə görə, aprel-iyun aylarında Türkiyənin ÜDM artımının 3,3% olacağı proqnozlaşdırılırdı. Analoji proqnoz Dünya Bankının iyun hesabatında da yer alıb.

Türkiyə Statistika Təşkilatının məlumatına görə, ən çox artım xidmətlər və tikinti sektorlarında (müvafiq olaraq 6,6% və 6,4%), ən az artım isə emal sənayesində (1,2%) qeydə alınıb.

2023-cü ilin birinci rübündə Türkiyənin ÜDM-i 2022-ci ilin sonundakı 3,5 faizlə müqayisədə 4 faiz təşkil edib.