İmran Xan girov qarşılığında sərbəst buraxılıb

Pakistanın İslamabad Ali Məhkəməsinin heyəti keçmiş baş naziri və müxalif Pakistan Ədalət Hərəkatı Partiyasının (PTI) lideri İmran Xanı girov müqabilində azadlığa buraxıb.

Busaat.az xarici mediaya istinadən xəbər verir ki, məhkəmə Xanın mayın 26-dək iki həftə müddətinə girov müqabilində azadlığa buraxılmasını təsdiqləyib.

Bildirilir ki, dinləmə zamanı Xanın vəkilləri İslamabad Ali Məhkəməsindən keçmiş baş nazirə qarşı qaldırılan bütün işləri birləşdirməyi və hakimiyyət orqanlarını Xana qarşı qaldırılan işlərin təfərrüatlarını təqdim etməyi xahiş ediblər.

Yerli KİV-in məlumatına görə, ölkənin müxtəlif məhkəmələrində Xana qarşı onlarla cinayət işi qaldırılıb və o, Pakistan Cinayət Məcəlləsinin bir çox maddələri ilə ittiham olunub.

Busaat.az