İmran Xan rüşvət ittihamı ilə məhkum edilməsinə etiraz edib

Pakistanın sabiq Baş naziri İmran Xan Ali Məhkəmədə rüşvətxorluq ittihamına etiraz edib.

Busaat.az Reuters-ə istinadən xəbər verir ki, bu barədə onun vəkili Naeem Panjuta bildirib.

Vəkil qeyd edib  ki, həftə sonu hökmlə bağlı etiraz İslamabad Ali Məhkəməsinə verilib.

İmran Xan 2018-2022-ci illərdə baş nazir olduğu müddətdə dövlət hədiyyələrini qanunsuz satmaqda ittiham olunaraq üç il müddətinə həbs edilib.

Prosedura əsasən, məhkəmə vəsatəti qəbul etməli və daha sonra onun məhkumluğunu ləğv etmək üçün rəsmi icraata başlamalıdır.

Qeyd edək ki, şənbə günü polis sabiq naziri Lahordakı evindən paytaxt İslamabad yaxınlığındakı Attok rayon həbsxanasına aparıb.

Busaat.az