İndi digər ölkələr Türkiyənin təsdiqini gözləyir - Kristersson

İsveçin baş naziri Ulf Kristersson, ölkəsinin Türkiyə qarşısında götürdüyü öhdəlikləri yerinə yetirdiyini müdafiə edərək, “Başqa ölkələr indi Türkiyənin təsdiq qərarını verməsini və İsveçin NATO müraciətinin təsdiqlənməsini gözləyir”, – deyib.

Busaat.az xarici mediaya istinadən xəbər verir ki, İsveç parlamentində deputatlar ölkənin NATO-ya üzvlük prosesini müzakirə ediblər.

Parlamentdə çıxış edən baş nazir Ulf Kristersson ölkəsinin Türkiyə qarşısında götürdüyü öhdəlikləri yerinə yetirdiyini müdafiə edib.

Ulf Kristersson qeyd edib: “Başqa ölkələr indi Türkiyənin təsdiq qərarını verməsini və İsveçin NATO müraciətini təsdiqləməsini gözləyir”.

Türkiyə ilə İsveç arasında keçirilən görüşlərin “inanılmaz dərəcədə əhəmiyyətli” olduğunu vurğulayan Kristersson əlavə edib: “Türkiyə tərəfində, xüsusən də Türkiyədəki seçkilərdən sonra qismən yeni bir dəyişiklik var”.

Busaat.az