İndoneziyada üç nəfər “qarayara”dan ölüb, 87 nəfərdə isə diaqnoz təsdiqlənib.
Busaat.az “Tribun Indonesian” portalına istinadən xəbər verir ki, bu barədə İndoneziya Səhiyyə Nazirliyinin yoluxucu xəstəliklərin qarşısının alınması və nəzarəti üzrə direktoru İmran Pambudi bildirib.
“Qarayara”dan 3 nəfər ölüb, 87 nəfərdə xəstəlik aşkarlanıb” – məlumatda deyilir.
İlkin məlumata görə, təhlükəli xəstəliyin yayılmasına virusdan ölən ilk şəxsin xəstəlikdən tələf olmuş öz inəyinin ətini yeməsi səbəb olub.
Bundan əlavə, həmin şəxs yoluxmuş əti yaşadığı rayonun digər sakinlərinə də paylayıb. Səlahiyyətlilər virusun aşkar edildiyi andan başlayaraq 120 gün ərzində bölgəni yüksək riskli “qırmızı” zona elan edib. Sakinlərə yalnız sağlam heyvanların ətini yemək tövsiyə olunub.
Busaat.az
