
İndoneziyada GÜCLÜ ZƏLZƏLƏ: Minlərlə insan təxliyə edildi
İndoneziyada baş verən güclü sualtı zəlzələ nəticəsində Mentavay adasındakı xəstəxanaya ciddi ziyan dəyib.
Busaat.az xəbər verir ki, bu barədə İndoneziyanın ANTARA agentliyi məlumat yayıb.
Məlumata görə, zəlzələnin maqnitudası 7,4 bal təşkil edib.
Milli Seysmoloji Agentliyin sözçüsü Əbdül Muharinin bildirib ki, Qərbi Sumatra əyalətinin paytaxtı Padanqda sakinlər güclü zəlzələni təxminən 30 saniyə hiss ediblər.
“Minlərlə insan sunami qorxusundan sahilyanı əraziləri tərk edib. Mentavay adasındakı bir neçə kənddə sunami xəbərdarlığı ləğv edilsə də, əhali yeraltı təkanlardan qorxaraq daha yüksək yerdə qalmağa üstünlük verib”.
Busaat.az























