Britaniya İsrail-Fələstin münaqişəsi davam etdiyi üçün İsraildəki diplomatlarının ailələrini təxliyə etməyə başlayıb.
Busaat.az xəbər verir ki, bu barədə Sky News məlumat yayıb.
Mənbənin sözlərinə görə, Böyük Britaniya Xarici İşlər Nazirliyinin sözçüsü diplomatların ailələrinin İsraildən ehtiyat tədbiri olaraq təxliyə edildiyini açıqlayıb.
Sözçü İngiltərənin Təl-Əvivdəki səfirliyinin açıq qalacağını və köməyə ehtiyacı olanlara konsulluq xidmətlərinin göstərilməyə davam edəcəyini bildirib. Həmçinin, təxliyə qərarının Böyük Britaniyanın İsrailə səyahət xəbərdarlığına uyğun olaraq alındığını deyib.
İsraildəki ingilis diplomatların ailələrinə ən azı 2 ay ölkəni tərk etmələri lazım olduğu bildirilib.
Britaniya Xarici İşlər Nazirliyi vətəndaşlara zərurət yaranmadığı halda İsrailə və Fələstinə səyahət etməməyi tövsiyə edib.
