İngiltərə müharibə başlayandan ilk dəfə Ukraynaya helikopter göndərəcək

İngiltərə Rusiya-Ukrayna müharibəsi başlayandan bəri ilk dəfə olaraq Ukraynaya helikopterlər göndərəcəyini açıqlayıb.

Busaat.az xəbər verir ki, Böyük Britaniyanın Müdafiə naziri Ben Uolles Norveçə rəsmi səfəri zamanı ölkəsinin Ukraynaya hərbi yardım çərçivəsində helikopterlər təqdim edəcəyini açıqlayıb.

Bundan əlavə, Uolles Ukraynanın müdafiəsinə kömək etmək üçün əlavə 1000 artilleriya mərmisi veriləcəyini bəyan edib.

Müdafiə Nazirliyindən verilən açıqlamada artilleriya mərmilərinin Ukraynanın müdafiə qabiliyyətini artıracağı qeyd edilib.

Mühüm axtarış-xilasetmə imkanlarını təmin etmək üçün Sea King tipli helikopterlərin Ukraynaya göndəriləcəyi də bildirilib.

İngiltərə mətbuatında yer alan xəbərlərdə Ukraynaya 3 Sea King helikopterinin veriləcəyi, onlardan birinin artıq Ukraynada olduğu bildirilib.

Busaat.az