
İngiltərədə Kral Çarlzın təsviri olan ilk markalar istehsal edilib
İngiltərədə 2022-ci ilin sentyabrında taxta çıxan Kral III Çarlzın təsviri olan ilk markalar istehsal edilib.
Busaat.az BBC-yə istinadən xəbər verir ki, Kral Çarlzın silueti bağ çiçəklərinin şəkillərindən ibarət xüsusi marka seriyasında yer alacaq.
Böyük Britaniya Poçt Ofisinin (Royal Mail) Xarici Əlaqələr və Siyasət Direktoru Devid Qold bildirib ki, sözügedən marka seriyasında Kral Çarlzın siluetinin olması da kralın bağçılıq və çiçəklərə olan marağını əks etdirir.
Çarlzın silueti olan poçt markaları gələn həftə nümayiş etdiriləcək.
Qeyd edək ki, Kraliça Elizabetin təsviri olan ilk markalar onun 1952-ci ildə taxta çıxmasından 16 il sonra istifadəyə verilib.
Busaat.az























