İran 11 milyon litr qaçaq yanacaq daşıyan gəmini ələ keçirdi

 İranın Fars körfəzində qaçaq yanacaq daşıdığı səbəbi ilə xarici bayraqlı gəmini ələ keçirdiyi, gəminin kapitanı və heyətini saxladığı bildirilib.

Busaat.az xəbər verir ki, bu barədə məlumatı İranın rəsmi xəbər agentliyi İRNA yayıb.

Agentliyin məlumatına görə, Hörmüzqan vilayətinin Ədliyyə Başçısı Mücteba Kahramani Fars körfəzində qaçaq yanacaq yüklü gəmidə əməliyyat keçirildiyini bildirib.

İnqilab Keşikçiləri Ordusu Dəniz Qüvvələrinin keçirdiyi əməliyyat nəticəsində gəmidə 11 milyon litr qaçaq yanacaq ələ keçirildiyini qeyd edən Kahramani gəminin ələ keçirildiyini, kapitan və şəxsi heyətin nəzarətə alındığını bildirib.

Qeyd edək ki, İranda qaçaqmalçılar dövlət tərəfindən subsidiya olunan yanacaq məhsullarını xaricə satmağa çalışırlar.

Busaat.az