Beynəlxalq ictimaiyyət ABŞ-a təzyiq göstərməlidir ki, digər ölkələrə qarşı bütün qeyri-qanuni sanksiyaları dərhal ləğv etsin.
Busaat.az Mehr-ə istinadən xxəbər verir ki, bu barədə İranın Ali İnsan Haqları Şurasının baş katibi Kazem Qəribabadi məlumat verib.
Onun fikrincə müasir tarixin xüsusiyyətlərindən biri də bir çox dövlətlərin, xüsusən də ABŞ-ın öz xarici siyasət məqsədlərinə çatmaq üçün digər dövlətlərə qarşı birtərəfli məcburi tədbirlərə meyl etməsidir. O bildirdi ki, Birləşmiş Ştatlar bu cür vasitələrdən digər ölkələrin siyasətlərinə təsir edərək istifadə edir.
Qəribabadi bəyan edib ki, bu sanksiyalar sənaye infrastrukturunun və texnologiya transferinin inkişafına pis təsir göstərir. Biz beynəlxalq ictimaiyyəti bu cür qeyri-insani hərəkətlərə qarşı qlobal konsensus yaratmağa çağırırıq – deyə bildirdi.
