İran atom enerjisinin gücünü 20 GVt-a çatdırmaq niyyətindədir

İranın yeganə atom elektrik stansiyasında 12 illik istismar dövründə istehsal olunan elektrik enerjisinin ümumi həcmi 60 milyard kilovatsaata çatıb.

Busaat.az xəbər verir ki, bunu İranın Atom Enerjisi Təşkilatının (AEOI) rəhbəri Məhəmməd Eslami bildirib.

Onun sözlərinə görə, Buşəhr AES-də elektrik enerjisi istehsalı İrana elektrik enerjisi istehsalı üçün neft istehlakını 90 milyon barel azaltmağa imkan verib.

İrana tətbiq edilən xarici sanksiyalara görə stansiyanın bəzi texniki çətinliklərlə üzləşməsinə baxmayaraq,  AEOI nümayəndələri son bir ildə bildirdilər ki, stansiya əsaslı təmir zamanı daha çox iranlı texniki və mühəndislərə arxalanır.

Eslami qeyd edib ki, İran Buşəhr AES-in ikinci və üçüncü mərhələləri də daxil olmaqla, yeni atom elektrik stansiyalarının istismara verilməsini planlaşdıraraq, atom enerjisinin gücünü 20 GVt-a çatdırmağa çalışır.

Busaat.az