İran parlamentinin sədri Avropa Parlamentinin İran İslam İnqilabı Keşikçiləri Korpusunun (SEPAH) terror təşkilatları siyahısına salınması ilə bağlı qərarına reaksiya verərək bildirib ki, İran bunun müqabilində Avropa ölkələrinin ordularını terrorçu elan edəcək.
Busaat.az xəbər verir ki, söügedən məlumat Mehr agentliyində yer alıb.
Məlumata görə, bazar günü parlamentin açıq iclasında çıxış edən Məhəmməd Bağer Qalibaf Avropa Parlamentinin yuxarıda qeyd olunan qərarını pisləyib.
Qalibafa görə, Avropa Parlamentinin SEPAH-ı terrorçular siyahısına daxil etmək qərarı onu göstərir ki, İsrailyönlü cəbhə Avropa ölkələrini yanlış hesablamalara vadar edib.
O, həmçinin vurğulayıb ki, Tehran bu cür hərəkətlərə qarşı istənilən əks tədbir üçün öz alətlərindən istifadə edəcək.
Qalibaf daha sonra qeyd edib ki, Avropa ölkələri İranın maraqlarına zidd olaraq yanlış yol tutublar.
İranlı diplomat SEPAH-ın dünyanın ən nadir anti-terror təşkilatı olduğunu bildirib.
