İran kosmosa daha bir peyk göndərəcək İran tezliklə kosmosa

 Nahid adlı daha bir yerli peyk göndərəcək.

Busaat.az xəbər verir ki, bu barədə İranın İnformasiya və Kommunikasiya Texnologiyaları naziri Eisa Zarepur Tasnim agentliyinə bildirib.

Qeyd edilib ki, Nahid peyki tezliklə orbitə buraxılacaq və İran onu 2023-cü il martın sonuna kimi kosmosa çıxarmağı hədəfləyib.

O, İranın Rusiya ilə kosmos sahəsində əməkdaşlığından da danışaraq, bu ölkənin Rusiya ilə kosmik sahədə əməkdaşlığının davam etdiyini bildirib.

Qeyd edək ki, İran avqust ayında Xəyyam peykini orbitə çıxarıb. Peyk Moskvanın Qazaxıstandakı Baykonur kosmodromundan “Soyuz 2.1 B” daşıyıcı aparatı vasitəsilə kosmosa göndərilib.

İran tərəfi bildirib ki, İran sərhədlərini izləmək və ölkənin kənd təsərrüfatı, təbii sərvətlər, ətraf mühit problemləri, mədənçilik və təbii fəlakətləri idarə etmək və planlaşdırmaq qabiliyyətini artırmaq üçün Xəyyam peykindən əldə edilən məlumatlardan istifadə edəcək.

Busaat.az