
İran prezidenti 12 ildən sonra Suriyaya səfər edib
İran prezidenti İbrahim Rəisi 2011-ci ildə Suriyada başlayan vətəndaş müharibəsindən sonra ilk dəfə Suriyaya səfər edən İran prezidenti olub.
Busaat.az xəbər verir ki, İranın yarı rəsmi xəbər agentliyi Tasnim İran prezidenti İbrahim Rəisinin bu gün Suriyaya getdiyini açıqlayıb.
Məlumata görə, İbrahim Rəisi rəsmi iki günlük səfər üçün bu gün Dəməşq Beynəlxalq Hava Limanına gəlib. Onu bir sıra rəsmi şəxslər müşayiət edib.
Rəisinin Suriya prezidenti Bəşər Əsədlə hərtərəfli siyasi və iqtisadi danışıqlar aparacağı, daha sonra iki ölkə arasında bir sıra müqavilələrin imzalanacağı qeyd edilib.
Busaat.az























