Yəmənin informasiya, mədəniyyət və turizm naziri Müəmmər əl-İryani İranı silah və narkotik qaçaqmalçılığı yolu ilə husi qruplaşmalarına dəstək verməkdə ittiham edib.
Busaat.az xəbər verir ki, bu barədə nazir Müəmmər əl-İryani Yəmənin rəsmi xəbər agentliyi SABA-ya açıqlama verib.
Mayın 3-də ABŞ-nin Oman körfəzində İranın Çabahar limanından narkotik daşıyan və üzən balıqçı gəmisini ələ keçirdiyini bildirən İryani, bu hadisədən 48 saat əvvəl Yəmənə getmək üçün eyni limandan başqa bir narkotik yüklü gəminin yola düşdüyünü bildirib və gəminin ələ keçirildiyinə diqqət çəkib.
Əsir götürülən narkotik yüklü gəmilərə işarə edən İryani deyib: “Bu, Tehran rejiminin beynəlxalq qanun və konvensiyaları kobud şəkildə pozaraq, silah və narkotik daşımaları ilə terrorçu Husi milislərini dəstəkləməyə davam etdiyini göstərir”.
İranı beynəlxalq səviyyədə qınamağa çağıran İryani əlavə edib: “Beynəlxalq ictimaiyyət, BMT-nin daimi üzvləri və BMT Təhlükəsizlik Şurası öz qanuni öhdəliklərini yerinə yetirməli və İranın Yəməndə sülhə nail olmaq səylərinə zərbə vuran mövqeyini pisləməlidir”.
Busaat.az
