İran və Suriya arasında 14 müqavilə imzalandı

image-esed86220backend

“Hərtərəfli, Uzunmüddətli və Strateji Əməkdaşlıq Proqramı” ilə İran və Suriya arasında neft, enerji, ticarət, mənzil tikintisi, hava və dəmir yolu nəqliyyatı kimi sahələrdə əməkdaşlığı nəzərdə tutan 14 müqavilə imzalanıb.

Busaat.az xəbər verir ki, İran Rəyasət Heyətindən verilən açıqlamaya görə, İran prezidenti İbrahim Rəisinin Suriya prezidenti Bəşər Əsəd ilə Dəməşqdə keçirdiyi görüşdən sonra iki ölkə arasında “Hərtərəfli, Uzunmüddətli və Strateji Əməkdaşlıq Proqramı” imzalanıb.

Rəisi və Əsədin iştirakı ilə imzalanan razılaşmaya əlavə olaraq ticarət, neft, enerji, mənzil, hava və dəmir yolu nəqliyyatı, rabitə və texnologiya kimi müxtəlif sahələrdə ümumilikdə 14 əməkdaşlıq müqaviləsi imzalanıb.

Suriya prezidenti Əsədin dəvəti ilə iki günlük rəsmi səfər çərçivəsində böyük heyətlə Suriyaya gedən İran prezidenti bu gün günorta saatlarında Dəməşqdəki “Xalq Sarayı”nda Əsədlə görüşüb.

Bu, İrandan Suriyaya son 13 ildə ilk prezident səfəridir. Sonuncu dəfə 2010-cu ilin oktyabrında İranın keçmiş prezidenti Mahmud Əhmədinejad bu ölkəyə səfər edərək Dəməşqdə Əsədlə görüşüb.

Busaat.az

Loading...

  • whatsapp
  • messenger
  • telegram
  • vkontakte
  • odnoklassniki
image-busaat_banner_768x90