İran xarici kəşfiyyat xidmətləri ilə əlaqəli qrupu zərərsizləşdirdiyini açıqladı

İran xarici kəşfiyyat xidmətləri ilə əməkdaşlıq edən qruplaşmaya qarşı sərt tədbirlər gördüyünü və onun bütün üzvlərini həbs etdiyini açıqlayıb.

Busaat.az xəbər verir ki, İran Ədliyyəsinə bağlı Mizan Xəbər Agentliyi İran Kəşfiyyat Nazirliyinə əsaslanan xəbərlərində xarici kəşfiyyat xidmətləri ilə əməkdaşlıq edən qrupun ifşa edildiyini bildirib.

İddialara görə, qrup İran rəsmilərinə və ölkənin həssas qurumlarında həssas məlumatlara çıxışı olanlarla, eyni zamanda hökumətlə əlaqə saxlayaraq daxildə və xaricdəki iranlılar, vəzifəli şəxslər haqqında məlumat əldə etmək üçün “düşmən” kəşfiyyat xidmətinin “böyük layihəsinin” bir hissəsidir. Həmçinin qeyd edilib ki, qrup dövlət məmurlarını da bu işə cəlb edə bilib.

Xəbərdə şəbəkənin bütün üzvlərinin, xüsusən də qrup rəhbərlərinin məhkəmə orqanlarının qərarı ilə həbs edildiyi qeyd edilib.

Busaat.az