ABŞ-də nəşr olunan “Washington Post” (WP) qəzetində yer alan xəbərdə İranın Türkiyənin Kahramanmaraş vilayətində baş verən zəlzələlərdən sonra İraqdan Suriyaya göndərdiyi yardım maşınlarında 30 İHA və bəzi hərbi materialların köçürüldüyü bildirilib.
Busaat.az xəbər verir ki, qəzet ABŞ kəşfiyyatına və yaxın İsrail hərbi rəsmisinə istinadən yazır:
“Bu, fevral ayında Suriya və qonşu Türkiyəni viran qoyan fəlakətdən sonra İranın Suriyaya göndərdiyi yardım yüklərində hərbi müdafiə avadanlığını gizlətmək səyləri ilə bağlı əvvəlki hesabatları gücləndirir”, məlumatda bildirilib.
ABŞ-nin sızdırılmış sənədinə görə, fevralın 13-də Qüds Qüvvələrinin zabiti İraq milis qrupuna “zəlzələ zamanı yardım təchizatları arasında silah yerləşdirməyi” tapşırıb, Qüds qüvvələrinin digər zabiti isə Suriyaya daxil olan “yüzlərlə” maşın və avadanlığın siyahısını saxlayır.
İsrail ordusunun rəsmisi də Qüds Qüvvələrinin bu cür fəaliyyətlərdə iştirak etdiyini təsdiqləyib.
İran məlumatları təkzib edib.
Busaat.az
