İranda edamlar davam edir: 7 nəfər asıldı

İranda zorlama və narkotiklə bağlı cinayətlərdə təqsirli bilinən 7 nəfər edam edilib.

Busaat.az xəbər verir ki, Norveçdə yerləşən İran İnsan Haqları Təşkilatının verdiyi məlumata görə, Kərəc şəhərindəki Recai Şəhr həbsxanasında zorlama ittihamı ilə edama məhkum edilən 4 məhbusun hökmü icra edilib. Narkotik cinayətlərinə görə mühakimə olunan və ölüm cəzasına məhkum edilən 3 nəfərin cəzasının icrası Kərəc həbsxanasında həyata keçirilib.

Birləşmiş Millətlər Təşkilatının (BMT) İnsan Haqları üzrə Ali Komissarı Volker Türk dünən verdiyi açıqlamada İranda ilin əvvəlindən bu yana ən azı 209 nəfərin edam edildiyini və bu rəqəmin “narahatedici” olduğunu bildirib.

Qeyd edək ki, bundan əvvəl də BMT İran hakimiyyətini ölüm hökmünü ləğv etməyə və ya bütün edamları dayandırmağa çağırmışdı.

Busaat.az