İranda hicabsızlara xidmət göstərən müəssisələr möhürləndi

İranın paytaxtı Tehranda fəaliyyət göstərən bir çox müəssisə və bir ticarət mərkəzi hicabsız müştərilərə xidmət göstərdiyi üçün bağlanıb.

Busaat.az xəbər verir ki, bu barədə İranın yarı rəsmi Tesnim Xəbər Agentliyinin məlumatında deyilir.

Xəbərdə sözügedən iş yerlərinin hicab və iffət qaydalarını pozaraq xəbərdarlıqlara məhəl qoymadıqları və əməllərini davam etdirdikləri üçün möhürləndiyi bildirilib.

Müəssisələr arasında 3 aptek də olub. Bağlanan müəssisələrin əksəriyyəti bağlanan kafe və restoranlar olub.

Şəhərin qərbində yerləşən, onlarla müəssisənin, yüzlərlə insanın çalışdığı ticarət mərkəzinin tam möhürlənməsi isə xüsusi diqqət çəkib.

Möhürlənmiş kafe və restoranların əksəriyyətinin məşhur adlara məxsus olması sosial şəbəkə istifadəçilərinin reaksiyasına səbəb olub.

Busaat.az