İranın Sistan və Bəlucistan əyalətinin Seravan şəhər polisinin kəşfiyyat direktoru Əli Rza Şahrəki avtomobilinə silahlı hücum nəticəsində həlak olub.
Busaat.az xəbər verir ki, hadisə ilə bağlı verdiyi açıqlamada Sistan və Bəlucistan əyalətinin polis rəisi Dost Əli Cəliliyan deyib:
“Seravan Polis Kəşfiyyat Müdiri Şahrəki yerli vaxtla saat 07:10-da avtomobilini idarə edərkən naməlum şəxslərin silahlı hücumu nəticəsində həyatını itirdi. Bundan başqa, həyat yoldaşı da avtomobildə olub, yaralanaraq xəstəxanaya aparılıb və vəziyyəti ağırdır”.
Cəliliyan hücumu törədənlərin tutulması üçün xüsusi qrupların yaradıldığını və axtarışlara başlanıldığını bildirib.
