Norveç mərkəzli İran İnsan Haqları Təşkilatı (İHR) İranda başlayan nümayişlərdə həyatını itirənlərin sayının 458-ə yüksəldiyini açıqlayıb.
Busaaat.az xəbər verir ki, bu barədə məlumat İHR-nin internet saytında dərc edilən hesabatda yer alıb.
Həyatını itirən nümayişçilərdən 29-nun qadın, 63-nün isə 18 yaşdan kiçik olduğu bildirilib.
Ölkədəki 31 ostandan 26-sı ilə bağlı məlumatların yer aldığı hesabatda ən çox itkilərin sünnilərin cəmləşdiyi Sistan-Bəlucistan əyalətində baş verdiyi bildirilib.
Hesabatda Sistan-Bəlucistanda 128, Kürdüstanda 53, Qərbi Azərbaycanda 53, Tehranda 46, Mazandaranda 37, Kirmanşahda 25, Gilanda 25, Elborzda 18, İsfahanda 14, Xuzistanda 10, Farsda 8, Rəzəvi Xorasanda 7, Zəncanda 5, Şərqi Azərbaycanda 4, Qəzvin, Həmədan və Loristanda 3, Ərdəbil, İylam, Buşehr, Hörmüzqanda 2 nümayişçinin həyatını itirdiyi qeyd edilib.
Busaat.az
