İrandakı milli qaz qovşağı barədə Rusiya ilə danışıqlar aparılır

İran öz qonşuları, qaz hasil edən ölkələrlə qaz qovşağının yaradılması ilə bağlı intensiv danışıqlar aparır.

Busaat.az “İnterfaks”-a istinadən  xəbər verir ki, bunu İranın neft naziri Cavad Ouci OPEC-in 8-ci beynəlxalq seminarı zamanı bildirib.

“Biz İrandakı milli qaz qovşağı ilə bağlı Rusiya ilə çox yaxşı danışıqlar aparırıq. Bunun üçün yaxşı qaz ehtiyatlarımız və infrastrukturumuz var. Bizdən başqa, qonşularımız Qətər və Türkmənistan da qaz ehtiyatları baxımından böyük potensiala malikdir. Bu amillər İranı regional qaz mərkəzinə çevirmək üçün əla imkan yaradır”, – nazir  deyib.

“Biz müxtəlif ölkələrlə uğurlu müzakirələr aparırıq və qaz qovşağının yaradılması ilə bağlı danışıqları səbirsizliklə gözləyirik. İki ay əvvəl biz Moskva ilə Tehran arasında danışıqlara başladıq”, –  o əlavə edib.

Busaat.az