İrandan BMT-nin İnsan Haqları Şurasına REAKSİYA

İranın Xarici İşlər naziri Hüseyn Əmir Abdullahyan Birləşmiş Millətlər Təşkilatının (BMT) İnsan Haqları Şurasının İranda insan haqları pozuntularını araşdırmaq üçün araşdırma qrupu təyin etmək təklifinin yekdilliklə təsdiqlənməsinə rekasiya verib.

Busaat.az xəbər verir ki, İranın Xarici İşlər naziri Hüseyn Əmir Abdullahiyan BMT-nin İnsan Haqları Şurasında qəbul edilən qərarla bağlı şəxsi Twitter hesabında paylaşım edib.

Paylaşımda qeyd olunub:

“Səddamın İran xalqına qarşı istifadə etdiyi kimyəvi silahların əsas tədarükçüsü olan Berlin rejimi və digər fürsət axtaranlar ədalətsiz və qeyri-insani sanksiyaları ilə illərdir insan haqlarını kobud şəkildə pozurlar. Daha utancvericidir ki, onlar bunu öz dəyərsiz oyunları üçün edirlər. Bu ölkələr bilməlidir ki, qüdrətli İran insan haqlarına sadiqdir. Lakin heç bir ölkənin onların daxili işlərinə qarışmasına imkan vermir”.

Qeyd edək ki, BMT-nin İnsan Haqları Şurasında keçirilən xüsusi iclasda İranda sentyabrın 16-dan bəri davam edən kütləvi etirazlara sərt müdaxilə edilməsi ilə bağlı iddialar müzakirə edilib.

Sessiyanın sonunda insan hüquqlarının pozulması ilə bağlı iddiaların araşdırılması üçün tədqiqat qrupunun təyin edilməsi haqqında qərar layihəsi Şuraya təqdim edilib və qərar 6 əleyhinə, 25 lehinə olmaqla səs çoxluğu ilə qəbul edilib.

Busaat.az