Nüvə danışıqları dayandırıldıqdan sonra İran uranın zənginləşdirilməsi üzrə fəaliyyətini gücləndirib.
Busaat.az xəbər verir ki, İran mediası Fordo nüvə obyektində uranın 60 faizədək zənginləşdirilməsi işlərinə başlandığını açıqlayıb.
Bundan əvvəl isə, Birləşmiş Millətlər Təşkilatı İrandan nüvə danışıqlarında daha çox əməkdaşlıq etməsini tələb edib.
BMT-nin Atom Enerjisi Agentliyi keçən həftə İranı uranın zənginləşdirilməsi üzrə fəaliyyətlərinə nəzarət etməyə icazə verməyə çağırıb.
Qeyd edək ki, İranla nüvə sazişinin canlandırılması və ABŞ-ın yenidən sazişə daxil olması istiqamətində müzakirələr aparılıb. Bu barədə Vyanada keçirilən nüvə danışıqları sentyabrın əvvəlində Vaşinqton və Tehran arasında yaşanan münaqişələr fonunda dayandırılıb.
Busaat.az
