İranın hava hücumundan müdafiə təliminə başlayıb

İran genişmiqyaslı hava hücumundan müdafiə təliminə başladığını açıqlayıb.

Busaat.az xəbər verir ki, bu barədə İran dövlət televiziyasının yaydığı məlumatda bildirilir.

Məlumata görə, “Qəyyumluq Səma Müdafiəçiləri 1401” adlanan təlim Ordu və İnqilab Keşikçiləri Ordusunun hava hücumundan müdafiə bölmələrinin iştirakı ilə həyata keçirilir.

Təlim haqqında məlumat verən briqada generalı Kadir Rəhimzadə bildirib: “Təlimin əməliyyat mərhələsi ölkənin şimal-qərb, qərb və mərkəzindəki hava məkanında həyata keçiriləcək. Təlim ölkənin hava məkanının təxminən üçdə iki hissəsində, yəni 1 milyon kvadrat kilometrdən çox ərazidə həyata keçiriləcək”.

Rəhimzadə bildirib ki, təlimdə döyüş təyyarələri, pilotsuz uçuş aparatları, radarlar, elektron döyüş texnikası və rabitə sistemlərindən geniş istifadə olunacaq.

Busaat.az