İranın xaricdəki valyuta ehtiyatları yaxın həftələrdə açılacaq - Ehsan Xanduzi

İranın Cənubi Koreya və digər ölkələrdəki valyuta ehtiyatları yaxın həftələrdə açılacaq.

Busaat.az xəbər verir ki, bu barədə  İranın iqtisadiyyat və maliyyə naziri Ehsan Xanduzi açıqlama verib.

“Xarici İşlər Nazirliyi və Mərkəzi Bankın birgə səyləri nəticəsində səyləri yaxşı irəliləyiş əldə olunub və biz onun əməli nəticələrini yaxın həftələrdə görəcəyimizə ümid edirik”, – Xanduzi bildirib.

Məlumata görə, İran tezliklə İraq və Cənubi Koreyada bloklanmış 24 milyard dollardan çox vəsaiti və Beynəlxalq Valyuta Fondundakı (BVF) resurslarını alacaq. ISNA xəbər agentliyi bildirir ki, ümumi məbləğin 7 milyard dolları Cənubi Koreyanın, 10 milyarddan çoxu İraqın payına düşür, 6,7 milyard dollardan çoxu isə İran Mərkəzi Bankının rəhbərinin görüşü nəticəsində əldə ediləcək.

İran bir neçə müddətdir ki, nüvə proqramının inkişafı səbəbindən İrandan neft ixracını məhdudlaşdıran, həmçinin həm hökumət hesablarını, həm də yüksək rütbəli məmurların və hüquqi şəxslərin hesablarını bloklayan ABŞ-nin sanksiyaları altındadır.

Busaat.az