İranla Vyanada keçirilən danışıqlar heç bir nəticə verməyib - MAQATE rəhbəri

İran və Beynəlxalq Atom Enerjisi Agentliyinin (MAQATE) nümayəndələri Tehranın nüvə proqramı ilə bağlı Vyenada danışıqlar aparıb.

Danışıqlar barədə Reuters xəbər agentliyinə danışan Agentliyin Baş direktoru Rafael Qrossi görüşün nəticəsiz başa çatdığını bildirib:

“Danışıqlar yeni heç nə gətirmədi. Tərəflər təmasları davam etdirəcək və MAQATE nümayəndələri yaxın həftələrdə İrana səfər edə bilər”.

Qeyd edək ki, Noyabrın 2-də İranın Xarici İşlər naziri Hüseyn Əmir Abdullahyan ölkəsinin nüvə proqramının MAQATE-ni narahat edən aspektlərini müzakirə etmək üçün Vyanaya nümayəndə heyəti göndərəcəyini bildirib.

Busaat.az