İran İnqilab Keşikçiləri Ordusunun polkovniki Suriyada öldürülüb.
Busaat.az xəbər verir ki, bu barədə məlumatı İranın rəsmi xəbər agentliyi İRNA yayıb.
Məlumata görə, İran İnqilab Keşikçiləri Ordusunun zabiti polkovnik Davud Cəfəri Suriyanın paytaxtı Dəməşq yaxınlığında öldürülüb.
İnqilab Keşikçiləri Ordusunun İctimaiyyətlə Əlaqələr Müdirliyi bildirib: “Polkovnik çərşənbə axşamı səhər Suriyanın paytaxtı Dəməşq yaxınlığında yol kənarına yerləşdirilən bombanın partlaması nəticəsində həlak olub. Polkovnik Cəfəri İnqilab Keşikçiləri Ordusunun Hava və Kosmik Qüvvələrinə rəhbərlik edib”.
İnqilab Keşikçiləri Ordusu hadisədə İsraili günahlandırıb və bombanın küçə kənarına “İsrail agentləri” tərəfindən qoyulduğunu iddia edib.
Busaat.az
