İraq hakimiyyəti “Telegram”ı bloklayıb

İraqın Telekommunikasiya Nazirliyi milli təhlükəsizlik və istifadəçilərin şəxsi məlumatlarının bütövlüyünü qorumaq üçün “Telegram” mesajlaşma proqramını bloklayıb.

Busaat.az xəbər verir ki, bu barədə Reuters məlumat yayıb.

Tətbiq İraqda mesajlaşma üçün geniş istifadə olunur, həmçinin əsas xəbər mənbəyidir.

Bildirilir ki, bəzi kanallarda iraqlıların adları, ünvanları və qohumluq əlaqələri də daxil olmaqla böyük miqdarda şəxsi məlumatlar var.

Nazirlik açıqlamasında qeyd edib ki, “Telegram”dan rəsmi dövlət qurumlarından və vətəndaşların şəxsi məlumatlarını  sızdıran platformaları bağlamağı xahiş edib, lakin şirkət bu sorğuların heç birinə cavab verməyib.

“Rabitə Nazirliyi dövlətin və onun təsisatlarının təhlükəsizliyinə xələl gətirmədən vətəndaşların ifadə və ünsiyyət azadlığı hüquqlarına hörmətlə yanaşdığını bir daha təsdiqləyir”, – bəyanatda deyilir.

Busaat.az