İraq İslam Əməkdaşlıq Təşkilatını Quranın yandırılması hadisəsi ilə bağlı məsləhətləşməyə dəvət edib

İraq İslam Əməkdaşlıq Təşkilatına Qurana hörmətsizliyin davam etdirilməsini müzakirə etmək üçün Bağdadda yüksək səviyyəli fövqəladə toplantı keçirmək üçün dəvət göndərib.

Busaat.az xəbər verir ki, bu barədə İraq Xarici İşlər Nazirliyinin sözçüsü Əhməd Əl-Səhhaf nazirliyin Tvitter hesabında məlumat verib.

“İraq İslam Əməkdaşlıq Təşkilatının Baş Katibliyinə rəsmi sorğu göndərərək İraq hökumətinin Bağdadda Qurani-Kərimin təhqir edilməsi və yandırılması ilə bağlı məsələni müzakirə etmək üçün fövqəladə yüksək səviyyəli iclas keçirmək istəyini təsdiqləyib”, – nazirliyinin nümayəndəsi bildirib.

Bazar günü İƏT Ər-Riyadın təşəbbüsü ilə Səudiyyə Ərəbistanının Ciddə şəhərində bu təşkilata daxil olan ölkələrin nümayəndələri səviyyəsində İsveçdə Quranın yandırılması ilə bağlı iclas keçirib. Təşkilatın baş katibi İbrahim Taha İslamın müqəddəs kitabına və peyğəmbərinə qarşı təhqirlərə son qoymaq üçün kollektiv fəaliyyətə çağırıb.

Busaat.az