İrəvanın Rusiyanın Ermənistanın təhlükəsizliyinə təhdid yaratdığı ilə bağlı bəyanatları absurddur – Zaxarova

İrəvanın Rusiyanın Ermənistanın təhlükəsizliyinə təhdid yaratdığı ilə bağlı bəyanatları absurddur.

Busaat.az xəbər verir ki, bunu Rusiya Xarici İşlər Nazirliyinin sözçüsü Mariya Zaxarova bildirib.

“Rus və erməni xalqlarını möhkəm dostluq telləri birləşdirir. Biz həm ikitərəfli münasibətləri, həm də KTMT, AİƏT və MDB kimi ümumi inteqrasiya təşkilatlarında əməkdaşlığı daha da gücləndirmək əzmindəyik. Bunun əksinə İrəvandan gələn bəyanatlar absurddur” – deyə, diplomat qeyd edib.

“Onilliklər ərzində qoşunlarımız və sərhədçilərimiz Ermənistanın təhlükəsizliyinə və sərhədlərinin qorunmasına öz töhfələrini verirlər. Bu, obyektiv reallıqdır və bunu inkar etmək olmaz. Üstəlik, Ermənistanın hazırkı rəhbərliyi daha əvvəl açıq şəkildə bəyan edib ki, Rusiyanın bu ölkədəki hərbi mövcudluğu respublikanın milli maraqlarına uyğundur. Amma hərbçilərimizi evə göndərməyə çağıran avantüristlər belə bir addımın real nəticələrindən açıq-aydın xəbərsizdirlər” – deyə, Zaxarova əlavə edib.

Busaat.az