İsfahanda İranın hərbi obyektinə edilən son hücumla bağlı ilkin təhqiqat onu göstərir ki, İsrail buna görə məsuliyyət daşıyır.
Busaat.az ISNA xəbər agentliyinə istinadən xəbər verir ki, bu sözləri İranın BMT-dəki daimi nümayəndəsi Əmir Səid İrəvani bildirib.
İran nümayəndəsi BMT baş katibinə və BMT Təhlükəsizlik Şurasının prezidentinə ünvanladığı məktubda bildirib:
“İlkin araşdırmanın nəticələri göstərir ki, İsfahandakı hərbi obyektə edilən hücumun arxasında İsrail dayanır və bu hərəkətlər beynəlxalq hüququn normalarını pozur”.
İrəvani vurğulayıb: “İran öz milli təhlükəsizliyini müdafiə etmək, İsrailin təhdid və ya yanlış hərəkətlərinə lazım bildiyi hər yerdə qətiyyətlə cavab vermək üçün qanuni hüququnu özündə saxlayır”. ISNA-nın məlumata görə, İranın BMT-dəki nümayəndəsi BMT Təhlükəsizlik Şurasını İsrail hökumətinin düşmənçilik ritorikasını pisləməyə çağırıb.
Busaat.az
