İran Məclisinin İsfahan müavini Hüseyn Mirzayi yanvarın 28-si axşam saatlarında İsfahan şəhəri səmasında görünən pilotsuz uçuş aparatlarının (PUA) İsrailə məxsus olduğunu iddia edib.
Busaat.az xəbər verir ki, İran Tələbələr Televiziyasına (SNN) danışan Mirzayi İsfahandakı hərbi obyektə hücumla bağlı məlumat verib.
“Gecə İsfahanda baş verən hücum çox güman ki, sionist rejimin (İsrail) xüsusi xidmət orqanlarının işidir”, – deyə Mirzayi bildirib.
İsfahan müavini qeyd edib ki, yuxarıda adı çəkilən PUA-lar hava hücumundan müdafiə vasitələri tərəfindən məhv edilib və Müdafiə Nazirliyinin obyektlərinə hücum zamanı zərər dəyməyib.
İran Müdafiə Nazirliyinin verdiyi açıqlamada İsfahandakı hərbi obyektin mikro pilotsuz uçuş aparatları ilə hücuma məruz qaldığı bildirilib.
