İspaniya iqtisadiyyatı ilin üçüncü rübündə 0,2% artım göstərib. Bu ümumi gözləntilərdən xeyli aşağı qəbul edilib və iqtisadiyyatın texniki tənəzzülə girdiyinin xəbərçisi kimi qəbul edilib.
Busaat.az xəbər verir ki, İspaniya Milli Statistika İnstitutu (INE) iyul-sentyabr aylarını əhatə edən üç aylıq statistikanı açıqlayıb.
İstehlakın azalması, yüksək inflyasiya, enerji böhranı və maliyyə şərtlərinin sərtləşməsi İspaniya iqtisadiyyatının yavaşlamasının əsas səbəbləri kimi göstərilib.
Mütəxəssislər, Covid-19 tədbirlərinin tamamilə ləğv edildiyi turizm mövsümünün İspaniyanı daha pis nəticələrdən xilas etdiyini şərh edib.
Keçən ilin eyni dövrü ilə müqayisədə 3,8% artan İspaniya iqtisadiyyatı, ikinci rübdə açıqlanan 6,8% artımdan sonra üçüncü rübün statistikası ilə ani durğunluq göstərib.
Qeyd edək ki, Oktyabrda ölkədə inflyasiya 7,3% təşkil edib. Ardıcıl üç ay (iyun, iyul, avqust) 10%-dən yuxarı olan inflyasiya sentyabrda 8,9% təşkil edib.
