
İspaniya Ukraynaya Leopard tankları və zirehli texnikalarının yeni partiyasını göndərib
İspaniya hökuməti Ukraynaya Leopard 2A4 tank və zirehli texnikanın yeni partiyasını göndərib.
Busaat.az xəbər verir ki, bu barədə İspaniya Müdafiə Nazirliyinin yaydığı məlumatda qeyd olunub.
Məlumata görə, iyulun 24-də Ukrayna üçün nəzərdə tutulan hərbi və humanitar yük daşıyan gəmi Santander limanını tərk edib.
“Bütün yükün avqustun əvvəlində Kiyevə çatdırılacağı planlaşdırılır. Xüsusən, göndərilən yük İspaniyanın söz verdiyi dörd Leopard 2A4 tankından ibarətdir, onlar artıq Ukrayna hökumətinə təhvil verilmiş altı Leopard 2-yə əlavə olunacaq”, – məlumatda deyilir.
Bundan başqa, Kiyevə 10 zirehli transportyor, 10 yük maşını, bir neçə təcili yardım maşını və müxtəlif döyüş sursatları da göndərilib.
Busaat.az























