Təl-Əvivdəki Ben Qurion hava limanı fəaliyyətini dayandırıb.
Busaat.az xəbər verir ki, bu barədə Turoperatorlar Assosiasiyasının (ATOR) “Telegram” kanalında məlumat verilib.
“Aeroporta daxil olan və uçuş edən bütün reyslər ləğv edilib. İsrail, İran, İordaniya və İraq öz hava məkanlarını bağlayıblar”, – məlumatda qeyd olunub.
İsrailin hava hücumundan müdafiə qüvvələrinin İrandan mümkün cavab zərbəsi ərəfəsində yüksək hazırlıq vəziyyətinə gətirildiyi bildirilir.
Xatırladaq ki, İsrail iyunun 13-nə keçən gecə İranın bir sıra nüvə obyektlərinə və paytaxt Tehrana zərbələr endirib. Güman ki, bir neçə yüksəkrütbəli hərbçi və nüvə alimi öldürülüb.
10:40
İsrailin “El Al”, “Israir”, “Arkia”, “Air Haifa” aviaşirkətləri təyyarələrini Ben-Qurion hava limanından təxliyə edərək, onları Kiprə və digər Avropa hava limanlarına köçürüb.
Oxu.Az xəbər verir ki, bu barədə Newsru.co.il məlumat yayıb.
Qeyd olunur ki, həmçinin İsrailin baş naziri və prezidentinə xidmət etməyi nəzərdə tutan 1 nömrəli “Kanaf Sion” reysi də İsrail hava məkanını tərk edib.
Xatırladaq ki, iyunun 13-də gecə saatlarında İsrail İranın bir sıra nüvə obyektlərinə və paytaxt Tehrana zərbələr endirib. Bir neçə yüksəkvəzifəli hərbçi və nüvə alimləri həlak olublar.
