İsrailin ifrat sağçı Milli Təhlükəsizlik Naziri İtamar Ben-Qvir polisə Fələstin bayrağının ictimai yerlərdə nümayişini qadağan etmək göstərişi verdiyini açıqlayıb.
Busaat.az xəbər verir ki, nazir Ben-Qvir sosial media hesabında yazıb:
“Bu gün polisə Fələstin bayrağının və ya terror təşkilatı ilə eyniləşdirilən, eyni zamanda İsrail dövlətinə qarşı təhrikedici hərəkətlər edən hər hansı bayrağın dalğalanmasını qadağan etmək göstərişi verdim. Terrora və terrorun təhrikinə qarşı var gücümüzlə mübarizə aparacağıq”.
Ben-Qvirin bu qərarı 40 ilini İsrail həbsxanalarında keçirən fələstinli məhbus Kərim Yunusun azadlığa buraxıldıqdan sonra Ara kəndində Fələstin bayraqları altında coşqu ilə qarşılanmasından sonra verdiyi bildirilib.
Busaat.az
