İsrail ordusu HƏMAS-ın obyektlərinə zərbələr endirib

İsrail Müdafiə Qüvvələri (İDF) Qəzza zolağında Fələstinin radikal HƏMAS hərəkatının obyektlərinə hücum edib.

Busaat.az xəbər verir ki, bu barədə ordunun mətbuat xidməti məlumat yayıb.

“İD hazırda Qəzza zolağında HƏMAS terror təşkilatına məxsus çoxsaylı hədəflərə geniş miqyaslı zərbələr endirir. Təfərrüatlar izləniləcək”, – mətbuat xidmətinin rəsmi Telegram kanalında yaydığı bəyanatda deyilir.

Oktyabrın 7-də Qəzza zolağından HƏMAS yaraqlılarının İsrail ərazisinə hücumu ilə Yaxın Şərqdə gərginlik artıb. Son rəsmi məlumatlara görə, toqquşmalar və atışmalarda 700-ə yaxın fələstinli ölüb, 3700-dən çox insan yaralanıb. Həmçinin, 800-ə yaxın israilli ölüb, 2000-dən çoxu yaralanıb.

HƏMAS bildirib ki, hücum İsrailin Qüds Məbədi dağındakı Əl-Əqsa məscidinə qarşı hərəkətlərinə cavabdır. İsrail müharibə vəziyyəti və Qəzza zolağının tam blokadası elan edib.