İsrail hökuməti, İordan çayının qərb sahilində yaşayan yəhudilərə imtiyaz verən cəza məcəlləsini və digər tətbiqləri 5 il müddətinə uzadan “işğal qanunu”nu qəbul edib.
Busaat.az xəbər verir ki, bu barədə İsrail parlamentindən verilən yazılı açıqlamada bildirilib.
Üçüncü səsvermədə 39 deputat “hə”, 12 deputat isə “yox” səs verib.
Sözügedən qanun, 1967-ci ildə İsrail tərəfindən işğal olunmuş İordan çayının qərb sahilində yaşayan yəhudi mühacirlər üçün İsrail hərbi məhkəmələri yerinə mülki məhkəmələrdə mühakimə olunaraq cəzalandırılması kimi imtiyazlar verən fövqəladə vəziyyətin hər 5 ildən bir müntəzəm olaraq uzadılmasını nəzərdə tutur.
İordan çayının qərb sahilində yaşayan fələstinlilər İsrail hərbi qanunlarına əsasən mühakimə olunurlar.
İsraildə 8 partiyanın bir araya gəlməsi ilə qurulan Naftali Bennett-Yair Lapidin rəhbərlik etdiyi koalisiya hökuməti 2022-ci ilin iyununda sözügedən qanunu qəbul edə bilməyib. . İsraildə noyabrın 1-də keçirilən seçkilərdə Benyamin Netanyahunun başçılıq etdiyi ifrat sağçı və ultra-pravoslav yəhudi partiyalarından ibarət sağçı blok qalib gəlib.
Netanyahu hökumətinin ilk işi sözügedən qanun layihəsini yanvarın 10-da Parlament Komitəsindən keçirmək olub.
Busaat.az
