İsrail prezidenti məhkəmə islahatları ilə bağlı danışıqların ilk raundunu keçirir

İsrail prezidenti İsaak Hersoq hakim koalisiya və aparıcı müxalifət partiyalarının nümayəndələri ilə ölkədə kütləvi etirazlara səbəb olan məhkəmə islahatına dair danışıqların birinci raundunu keçirib.

Açıqlamaya görə, Qüdsdəki prezident iqamətgahında baş tutan görüşdə hakim koalisiya və iki aparıcı müxalifət partiyası olan Yeş Atid və Milli Birlik partiyalarını təmsil edən işçi qrupları iştirak edib.

“Müsbət nəticə ilə keçən görüş başa çatıb. Sabah prezident İsaak Hersoq görüşlərin yeni mərhələsini keçirəcək”, – bəyanatda deyilir.